Apr 22, 2020

Latè pèdi dwa estènen l

Latè malad douvan je medsen
L ap bat lakanpany
L ajenou douvan pye lèsen
Ki pèdi amitye lèzany

Latè gen yon soufrans depase
Yon transpò lanmò madichon
Yon sityasyon kè kase
Yon sentòm konplotay plichon

Latè arimen
Men l pèdi dwa estènen
Pa gen libète touse alèkile
Ale wè dwa sikile

Wi latè sispann vire sou gon li
Akoz madichon k nan degonn li
Zwazo a motè sispann vole
Sèpan sou ray sispann file

Latè mete bann machwè
Nan moman w pa ta kwè
Latè mande pitye
Men van panik chase lamitye

Adye!
Sèl lespwa latè, se gras Bondye

You Might Also Like

Leave a Comment

Your email address will not be published. Required fields are marked *